პროკურატურამ შოთა პაკელიანი დაზარალებულად სცნო. ამის შესახებ On.ge-ს მთავარი პროკურატურის პრესსამსახურმა განუცხადა.

რამდენიმე დღის წინ ინტერნეტგამცემა ლიბერალმა შინაგან საქმეთა სამინისტროს თბილისის პოლიციის დეპარტამენტის ისანი-სამგორის სამმართველოს მეშვიდე განყოფილებაში გადაღებული ვიდეოკადრები გაავრცელა. გამოცემის ინფორმაციით, პაკელიანის დაკავების დროს ჩხრეკა კანონდარღვევით მოხდა და მას რამდენიმე მოქალაქეც ესწრებიდა.

შინაგან საქმეთა სამინისტროს განცხადებით, შსს-ს თბილისის პოლიციის დეპარტამენტის ისანი-სამგორის სამმართველოს მეშვიდე განყოფილების უფროსი გათავისუფლებულია დაკავებული თანამდებობიდან.

საქმეზე გამოძიებას, "საქართველოს სისხლის სამართლის კოდექსის" 333-ე მუხლის მესამე ნაწილით პროკურატურა იძიებს. აღნიშნული მუხლი გულისხმობს სამსახურეობრივი უფლებამოსილების გადამეტებას არაერთგზის, ძალადობით ან იარაღის გამოყენებით, ან დაზარალებულის პირადი ღირსების შეურაცხყოფით. დანაშაული ისჯება თავისუფლების აღკვეთით ვადით ხუთიდან რვა წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

საქმე ეხება ნარკოდანაშაულის ბრალდებით დაკავებულ, შოთა პაკელიანის ჩხრეკის პროცედურებს პოლიციის განყოფილებაში.

შოთა პაკელიანი 2017 წლის 23 მარტს ნარკოდანაშაულის ბრალდებით დააკავეს.