ინფორმაციას უკრაინული მედიები ავრცელებენ.

რატომ არის მნიშვნელოვანი: მას შემდეგ, რაც რუსეთი უკრაინაში შეიჭრა, საბრძოლველად ირანულ დრონებს, ე.წ შაჰედებს მშვიდობიანი მოქალაქეების წინააღმდეგ იყენებს და კრიტიკულ ინფრასტრუქტურას აზიანებს.

  • რუსეთი დრონებს ირანისგან ყიდულობდა.
  • აშშ-ის განცხადებით, ირანელი სამხედროები ყირიმში რუსულ ძალებს დრონების გამოყენებას ასწავლიდნენ.
  • ირანელები ბრალდებებს უარყოფდნენ, მაგრამ საერთაშორისო თანამეგობრობას, ამის არ სჯეროდა, რის გამოც სანქციები დააწესეს.

დეტალები: უკრაინის ეროვნული უსაფრთხოებისა და თავდაცვის საბჭოს მდივნის, ოლექსი დანილოვის თქმით, უკრაინის მოკავშირე ქვეყნების წარმოებული სათადარიგო ნაწილები აღმოაჩინეს ირანული წარმოების შაჰედის დრონებში, რომლებსაც ოკუპანტი უკრაინის ტერიტორიებზე თავდასხმისთვის იყენებს.

  • დანილოვი ამბობს, რომ მათ დაშალეს დრონები და აღმოაჩინეს, რომ ნაწილები, რომლებიც მასში იყო, არც რუსეთში და არც ირანში იწარმოება.
  • მისი ვარაუდით, დეტალების შეძენა შესაძლებელი იყო სრულმასშტაბიანი შემოჭრის დაწყებამდე, რადგან დრონები ძირითადად 2019-2021 წლებში იყო წარმოებული.

  • აღნიშნა, რომ აუცილებელია იმის გაგება, თუ როგორ ხვდება დასავლური დეტალები რუსეთის ფედერაციაში, მიუხედავად სანქციებისა.

The New York Times-ის ცნობით, სანქციების მიუხედავად, ამერიკული კომპანია Boeing-ისა და ფრანგული Airbus-ის მიერ წარმოებული საავიაციო ნაწილები რუსულ კომპანიებში შევიდა.

  • ცოტა ხნის წინ ოლექსიი დანილოვმა რუსეთის უდიდეს შაჰედის უპილოტო საფრენი აპარატით შეტევას სისულელისა და სიჯიუტის დემონსტრირება უწოდა.