ჰოლივუდის ვარსკვლავები, რენე ზელვეგერი და ჯარედ ლეტო, გრეის ანატომიაში დერეკ შეპარდის როლის შემსრულებელ, პატრიკ დემპსისთან და სამეფო კარის თამაშებში სანსა სტარკის როლის შემსრულებელ, სოფია ტერნერთან ერთად ახალ მხატვრულ ფილმში Berlin, I Love You ითამაშებენ.

ფილმის სიუჟეტი ათ სხვადასხვა ისტორიას მოიცავს, რომლებიც საბოლოოდ ერთმანეთთან არიან დაკავშირებული, მოქმედება კი გერმანიის დედაქალაქ ბერლინში ვითარდება.

ფილმს შვიდი რეჟისორი ეყოლება, მათ შორის ჯუზეპე ტორნატორე და თავად პატრიკ დემპსი.

ჯერ-ჯერობით უცნობია როდის გამოვა ფილმი ეკრანზე.