ჯულია ფოქსის ორიგინალური სამოსი განხილვის საგანი არაერთხელ გამხდარა, ამჯერად კი მსახიობი წლევანდელი კანის კინოფესტივალისთვის შერჩეული კაბის გამო ისევ საზოგადოების ყურადღების ცენტრში მოექცა. ჯულია ფოქსი 2023 წლის კანის კინოფესტივალის წითელ ხალიჩაზე გამჭვირვალე სამოსით წარსდგა.

ჯულია ფოქსის კაბის დიზაინი ფესტივალზე მისი გამოჩენისთანავე განხილვის თემა გახდა. განსაკუთრებული ყურადღება ზედატანმა მიიქცია, რომელიც შუშის მსგავსი გამჭვირვალე მატერიისგან იყო შექმნილი და მსახიობის კერტებს არ ფარავდა. ჯულია ფოქსს დახვეწილი ზედატანი კისრისა და ზურგის გარშემო თასმებით ჰქონდა მიმაგრებული.

ფოტო: Getty Images

ჯულია ფოქსი განსხვავებული ჩაცმულობით საზოგადოების ყურადღებას ძალიან ხშირად იქცევს. ანდრე კურეჟის 2023 წლის შემოდგომა/ზამთრის ჩვენებაზე ჯულია ფოქსი გამჭვირვალე შავი კაბით გამოჩნდა. წლევანდელ კანის კინოფესტივალზე ჯულია ფოქსმა თეთრი გამჭვირვალე კაბაც მოირგო, რომელიც ბუმბულებით იყო გაფორმებული.
2022 წლის პარიზის მოდის კვირეულზე კი, ჯულია ფოქსი და კანიე ვესტი შეხამებული სამოსით გამოჩნდნენ.

ფოტო: Getty Images


"მე არ ვარ იმ ტიპის ცნობილი ადამიანი, რომელიც სამოსის გაყიდვას ცდილობს. სამოსი რეალურად იმას ნიშნავს, თუ რას ვგრძნობ ან როგორ მსურს გარკვეული გზით საკუთარი თავის გამოხატვა", — განაცხადა ჯულია ფოქსმა.