თუ პოპკულტურის სიახლეებს თვალს ადევნებთ, კიმ კარდაშიანისა და კანიე ვესტის დაშორების შესახებ აუცილებლად გეცოდინებათ. ცოტა ხნის წინ კანიე ვესტი საზოგადოების წინაშე ახალ პარტნიორთან — მსახიობ ჯულია ფოქსთან ერთად წარსდგა და ყველა აალაპარაკა.

ფოტო: Getty Images

წყვილი წითელ ხალიჩაზე ერთად პირველად პარიზის მოდის კვირეულზე გამოჩნდა. მათ ერთი სტილის ტანსაცმელი — თავით ფეხამდე ჯინსის სამოსი მოირგეს.

ფოტო: Getty Images

ფოტო: Getty Images

მათი გამოჩენისა და განსაკუთრებული ჩაცმულობის განხილვა ჯერ არავის დაესრულებინა, რომ კანიემ და ჯულიამ ტანსაცმელი ერთმანეთს კიდევ ერთხელ შეუხამეს და ამჯერად ტყავის სამოსით მოგვხიბლეს.

ფოტო: Getty Images

ფოტო: Getty Images

კანიე და ჯულია ერთმანეთს ახალ წელს მაიამიში შეხვდნენ და მას შემდეგ პაპარაცებმა ერთად რამდენჯერმე დააფიქსირეს. ჯულია ინტერვიუებსა თუ პოდკასტებში კანიესთან ურთიერთობაზე ღიად საუბრობს. მან საზოგადოების ბრალდებებსაც უპასუხა:

"ხალხი ყოველთვის იმას ამბობს, თითქოს მასთან პოპულარულობისთვის, გავლენის მოსაპოვებლად ან ფულის გამო ვარ. ძვირფასო, მთელი ზრდასრული ცხოვრება მილიარდერებს ვხვდები, მოდი, გულწრფელები ვიყოთ", — განაცხადა ჯულიამ.

კანიესა და ჯულიას წყვილზე საზოგადოების არაერთგვაროვანი რეაქციების მიუხედავად, აშკარაა, რომ მათ ერთად გამოჩენასა და დასამახსოვრებელ ჩაცმულობას ყველა სულმოუთქმელად ელის.