საქართველოს ნაკრების, ანართოსისისა და ნიქოზიის აპოელის ყოფილი მწვრთნელი თემურ ქეცბაია ათენის აეკის მთავარ მწვრთნელად დაინიშნა.

ინფორმაცია ბერძნული კლუბის ოფიციალური Facebook გვერდი აქვეყნებს.

"თემურ ქეცბაია 19 წლის შემდეგ დაბრუნდა, ამჯერად მწვრთნელის რანგში", ვკითხულობთ განცხადებაში.

ქეცბაიამ 2 წლიან კონტრაქტს მოაწერა ხელი.

ახალი მწვრთნელი კლუბის აღმასრულებელმა დირექტორმა, დუსან ბაჟევიჩმა წარადგინა:

"თემურს, AEK-ში, ძალიან კარგად ვიცნობთ და ძალიან გვიყვარს. ის წარმატებული მწვრთნელია. მან იცის როგორ უნდა იბრძოლოს და არასოდეს უნდა წაგება. ის თვითონაც კარგად იცნობს ჩვენს კლუბს და იცის რა სჭირდება აქაურობას. ჩვენ გვწამს, რომ სწორი არჩევანი გავაკეთეთ."

განცხადება თავად ქეცბაიამაც გააკეთა:

"მე მადლობას ვუხდი ადამიანებს, რომლებმაც ეს, მდიდარი ისტორიის მქონე კლუბი ჩამაბარეს. ჩვენ წინ დიდი სამუშაო და დიდი მიზნები გველის."

AEK-მა წინა სეზონი მესამე ადგილზე დაასრულა და მომდევნო სეზონში ევროპა ლიგის საკვალიფიკაციო ეტაპზე ითამაშებს.