თბილისში, რუსთაველის გამზირზე, დღეს საღამოს ავტომობილი ამოყირავდა, რის შედეგადაც დაშავდა მძღოლი. როგორც შინაგან საქმეთა სამინისტროს პრესსამსახურში On.ge-ს უთხრეს, მძღოლი საავადმყოფოშია გადაყვანილი. სხვა პირები არ დაშავებულან.

გამოძიება დაწყებულია სისხლის სამართლის კოდექსის 276-ე მუხლის პირველი ნაწილით, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური
ტრანსპორტის მოძრაობის უსაფრთხოების ან ექსპლუატაციის წესის დარღვევა იმის
მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის
ნაკლებად მძიმე დაზიანება.

დამტკიცების შემთხვევაში, დანაშაული ისჯება ჯარიმით ან თავისუფლების შეზღუდვით ვადით სამ წლამდე ანდა, თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.