18 მაისს, 11:00 საათზე, ილიას სახელმწიფო უნივერსიტეტის T102 აუდიტორიაში გაიმართება აკადემიური კონფერენცია — პოლონური და ქართული მოძრაობა დამოუკიდებლობისთვის მე-19 საუკუნეში.

ღონისძიება მიეძღვნება ორ თემას — იანვრის აჯანყების დაწყებიდან 160 წლისთავსა და 1832 წლის ქართველ თავად-აზნაურთა შეთქმულების 190 წლისთავს.

მასში მონაწილეობას მიიღებენ ქართველი და პოლონელი ისტორიკოსები, პოლიტოლოგები და სოციოლოგები, რომლებიც განიხილავენ ქართულ და პოლონურ ინტელიგენციასთან დაკავშირებულ თემებსა და ეროვნულ საკითხებს, ზოგიერთი თემა შეეხება უკრაინას.

კონფერენცია ეწყობა საქართველოში პოლონეთის ელჩის, მისი აღმატებულება მარიუშ მაშკიევიჩის საპატიო პატრონაჟით. ღონისძიების ორგანიზატორები არიან:

  • ილიას სახელმწიფო უნივერსიტეტი;
  • პოლონეთის მეცნიერებათა აკადემიის პოლიტიკური კვლევების ინსტიტუტი;
  • საქართველოს პოლონელთა კულტურულ-საგანმანათლებლო კავშირი "პოლონია".

კონფერენციის მომხსენებლები იქნებიან:

  • მარიეტა ჩიხლაძე (ილიას სახელმწიფო უნივერსიტეტი);
  • ირაკლი ჩხაიძე (თბილისის სახელმწიფო უნივერსიტეტი);
  • დოდო ჭუმბურიძე (საქართველოს უნივერსიტეტი);
  • მარია ფილინა (თბილისის სახელმწიფო უნივერსიტეტი);
  • თათია კეკელია (ილიას სახელმწიფო უნივერსიტეტი);
  • ვაჟა კიკნაძე (თბილისის სახელმწიფო უნივერსიტეტი/საქართველოს უნივერსიტეტი);
  • ბართლომეი ქშიშტანი (პოლიტიკური კვლევების ინსტიტუტი, პოლონეთის მეცნიერებათა აკადემია);
  • ელჟბიეტა ქვიეჩინსკა (ვარშავის უნივერსიტეტი);
  • იაცეკ ლეგიეჩი (იან კოჩანოვსკის უნივერსიტეტი კიელცეში);
  • დავით მერკვილაძე (დამოუკიდებელი მკვლევარი);
  • პაველ სკიგინი (ევროპის უნივერსიტეტის ინსტიტუტი);
  • ტომაშ სტრიექი (პოლიტიკური კვლევების ინსტიტუტი, პოლონეთის მეცნიერებათა აკადემია);
  • ტომაშ ზარიცკი (ვარშავის უნივერსიტეტი);
  • რადოსვაფ ჟურავსკი, იგივე გრაევსკი (ვუჩის უნივერსიტეტი - The University of Łódź).

კონფერეცია 18 მაისს, 11:00-დან 16:15 საათმდე გაგრძელდება. ილიას სახელმწიფო უნივერსიტეტის ტექნოლოგიის კორპუსში (ქაქუცა ჩოლოყაშვილის გამზირი N3/5), T 102 საკონფერენციო დარბაზში. ღონისძიების სამუშაო ენები ინგლისური, ქართული და პოლონურია (უზრუნველყოფილი იქნება სინქრონული თარგმანი).