ლეგენდარული ამერიკული სერიალის, Friends-ის მსახიობი კორტნი კოქსი ჟურნალთან NewBeauty-სთან ინტერვიუში ამბობს, რომ კიდევ ერთი ბავშვი სურს.

"ძალიან მინდა კიდევ ერთი ბავშვი, ვიცი, ეს გიჟურად ჟღერს, მაგრამ ძალიან მინდა. მინდა ვიღაცაზე ისევ ვზრუნავდე და ისიც ვიცი, რომ ერთადერთი მოხუცი არ ვიქნები, ვისაც ეს უნდა", - ამბობს 53 წლის კორტნი კოქსი.

ინტერვიუს დროს მსახიობი საკუთარ ასაკზეც საუბრობს:

"იმის თქმა, რომ დაბერება მარტივია, ტყუილი იქნება, მაგრამ ასაკის მატება რთული მხოლოდ რამდენიმე მიზეზის გამო შეიძლება იყოს. 53 წლის ვარ და სიმართლე გითხრათ, თავს 34 წლის გოგოსავით ვგრძნობ. ისე კარგად, როგორც ახლა ვარ, არასდროს მიგრძნია თავი, თუნდაც იმიტომ, რომ ახლა საკუთარი თავისთვის გაცილებით მეტი დრო მაქვს".