ვაგნერის დაქირავებული ჯგუფის ხელმძღვანელმა, ევგენი პრიგოჟინმა პარასკევს განაცხადა, რომ მოსკოვის რეგულარული არმია ტოვებს თავის პოზიციებს აღმოსავლეთ უკრაინის ქალაქ ბახმუტთან.

დეტალები: პრიგოჟინმა განაცხადა, რომ ფრონტი ჩამოშლის პირასაა და "თავდაცვის სამინისტროს ქვედანაყოფები უბრალოდ გაიქცნენ ბახმუტის ფლანგებიდან".

  • მომხდარში ის მოსკოვის სამხედრო ხელმძღვანელობას ადანაშაულებს.
  • პარასკევს, რუსეთის თავდაცვის სამინისტრომ განაცხადა, რომ აღმოსავლეთ უკრაინაში თავდასხმის მცდელობა მოიგერია, მაგრამ რუსულმა ჯარმა ტაქტიკური მიზეზების გამო ცოტათი უკან დაიხია.
  • მათი განცხადებით, უკრაინა თავს ესხმის ქალაქ სოლედარს, რომელსაც მოსკოვის ძალები აკონტროლებენ.

რატომ არის მნიშვნელოვანი: აღმოსავლეთ უკრაინაში მდებარე ბახმუტი საეჭვო სტრატეგიული ღირებულების, მაგრამ სიმბოლური მნიშვნელობის ქალაქია, რომლის ასაღებადაც თვეებია სასტიკი ბრძოლები მიმდინარეობს.

  • რუსეთმა არაერთხელ გაავრცელა ინფორმაცია, რომ ალყა შემოარტყა ქალაქს, თუმცა, აქამდე, ჯერ არ დადასტურებულა უკრაინელების დანებება და ქალაქის დატოვება.
  • თვეების ჩიხის შემდეგ, ღიად განიხილება უკრაინის კონტრშეტევა — ახლად შემოსული დასავლური იარაღის დახმარებით, მაგრამ უკრაინის პრეზიდენტმა ხუთშაბათს განაცხადა, რომ ჯერ ნაადრევია თავდასხმის დაწყება.
  • რუსეთის არმიის მთავარ დასაყრდენს ქალაქში ვაგნერელები წარმოადგენს, რომლებიც იმუქრებიან, რომ საჭირო შეიარაღების არ მიწოდების გამო ქალაქს დატოვებენ.