განსაკუთრებული ცუგა, რომელსაც კუდი შუბლზე ეზრდება, 10 თვის იყო, როცა ცივ ამინდში ქუჩაში მიატოვეს. ცუგა გაყინული იყო როცა იპოვეს, თუმცა მისი გადარჩენა შეძლეს და სამედიცინო დახმარებაც მალევე აღმოუჩინეს.

ცუგა უკვე 4 წლის გახდა, ახლა კი ბედნიერი, ჯანმრთელი და ძალიან მეგობრულია. ცუგას მოფერებით მარტორქასაც ეძახიან. "ძაღლი სრულიად ჯანმრთელია და მას მხოლოდ ჭიები აწუხებდა, რაც ბუნებრივია და საჭირო მედიკამენტებიც მიიღო. რაც შეეხება სახის კუდს, ის ძაღლს სრულიადაც არ აწუხებს", — ვკითხულობთ იმ ორგანიზაციის განცხადებაში, რომელმაც ცუგა გადაარჩინა და მასზე ზრუნავდა.

ფოტო: Facebook

ცუგას უცნაური კუდით ვეტერინარები თავიდანვე დაინტერესდნენ და რენტგენიც გადაუღეს. როგორც აღმოჩნდა, ცუგას კუდის გამოყენება არაფერში შეუძლია, თუმცა ის არც ტკივილებს იწვევს და მის მოსაკვეთად არც ოპერაციის ჩატარებაა საჭირო.

ცუგა ახლა მზრუნველ პატრონთანაა და ოთხ სხვა ლეკვთან ერთად ცხოვრობს. მისი ფოტოები ინტერნეტში გამოჩენისთანავე ვირუსულად გავრცელდა. განსაკუთრებული ცუგათი ბევრი ადამიანი დაინტერესდა და ის პოპულარობას დღემდე არ კარგავს.