რატომ არის მნიშვნელოვანი: 7 მაისს, სოციალურ ქსელში ვაკის პარკში აღმართული უკრაინის დროშის ჩამოგლეჯის ვიდეო გავრცელდა.

  • საჯარო დაწესებულების მიერ აღმართული/გამოფენილი სახელმწიფოს დროშის ან გერბის შებღალვა კანონით დასჯადი ქმედებაა.
  • უკრაინის ელჩის მოვალეობის შემსრულებელმა, ანდრი კასიანოვმა თქვა, რომ მომხდარზე ინფორმირებულია უკრაინის საგარეო საქმეთა სამინისტრო, ინციდენტის გამოსაძიებლად კი სამართალდამცავ ორგანოებთან ითანამშრომლებენ.

დეტალები: როგორც On.ge-ს შსს-ში განუცხადეს, სამართალწარმოება ადმინისტრაციულ სამართალდარღვევათა კოდექსის 174-ე (მე-18 პრიმა) მუხლით დაიწყო, რაც გულისხმობს ევროპის კავშირის, ჩრდილოატლანტიკური ხელშეკრულების ორგანიზაციის ან სხვა საერთაშორისო ორგანიზაციის ოფიციალური სიმბოლოს შებღალვას ან სხვა სახელმწიფოს დროშის, ან გერბის შებღალვას.

  • ამ დროისთვის ვაკის პარკის ადმინისტრაციამ უკრაინის დროშა უკან დააბრუნა.