ედინბურგის ჰერცოგმა და დედოფალ ელისაბედის ქმარმა, 96 წლის პრინცმა ფილიპმა, საავადმყოფო დღეს დატოვა.

მეფე ედვარდ მეშვიდეს სახელობის ლონდონის საავადმყოფოში, ის უსაფრთხოების ზომების გამო, 2 ღამის განმავლობაში მკურნალობდა.

ბუკინგემის სასახლის პრესსამსახურის თქმით, 96 წლის პრინცი თავს კარგად გრძნობს.

საავადმყოფოში ყოფნის გამო, მას ოთხშაბათს პარლამენტის გახსნის გამოტოვება მოუწია, რის გამოც, პარლამენტში სიტყვით დედოფალი ელიზაბეტ მეორე გამოვიდა და 1974 წლის შემდეგ, პირველად, მან სამეფო გვირგვინსა და მანტიაზე უარი თქვა.

დედოფლის კაბა და ქუდი ევროკავშირის დროშის ფერებში იყო გადაწყვეტილი. ექსპერტები მიიჩნევენ, რომ დედოფალმა ელიზაბეტმა საკუთარი ტანსაცმლით პოლიტიკური განაცხადი გააკეთა.