ბრიტანეთის მონარქის, დედოფალ ელიზაბეტ მეორის 96 წლის მეუღლე, ედინბურგის ჰერცოგი ფილიპი, საავადმყოფოში გადაიყვანეს.

როგორც ბუკინგემის სასახლის პრესსპიკერი ამბობს, პრინცი უსაფრთხოების ზომებიდან გამომდინარე მოათავსეს მეფე ედვარდ მეშვიდეს სახელობის ლონდონის საავადმყოფოში.

"პრინცი ფილიპი არაჩვეულებრივი სულის პატრონია, სამწუხაროდ, ის დედოფლის გვერდით ვერ იქნება მისი სიტყვით გამოსვლის დროს და სამეფო ესკორტით ქალაქში გადაადგილებისას. დედოფალი საკუთარი სიტყვით პარლამენტში დღეს გამოვა, ესკორტით ქალაქს კი ხვალ შემოუვლის", - ნათქვამია სამეფო ოჯახის პრესსპიკერის განცხადებაში.

დედოფალი ელიზაბეტი საკუთარ 91-ე დაბადების დღეს აღნიშნავს. კვირეულის ფარგლებში რამდენიმე ათეული ღონისძიებაა დაგეგმილი, რომელსაც პრინცი ელიზაბეტთან 70-წლიანი ქორწინების შემდეგ პირველად გამოტოვებს.