ახალი ამბები On.ge

მამუკა მდინარაძე

1 May. 2023, 21:43

წარმოუდგენლად პოზიტიური შედეგი დაიდო. ჩვენთვის, სუბიექტურადაც და მე მგონია, რომ ეს შედეგი ქვეყნისთვისაც კარგია. როდესაც საუბრობდნენ, თურმე ქართულ ოცნებას 19 პროცენტი ჰქონია, ეს ფეიკი ხომ შემოგვთავაზა საკმაოდ სერიოზულმა ორგანიზაციამ. ამ დროს ყველაზე მაღალი აქტივობით რომ ჩატარებულიყო არჩევნები, ქართული ოცნებას, მინიმუმ, 60 პროცენტს იღებდა. არ ყოფილა არც ერთი საარჩევნო ოლქი თუ უბანი, სადაც ძალიან მაღალი ზრდა არ იყო ჩვენი შედეგების. მიდის ამომრჩეველი არჩევნებზე, სადაც ქართულ ოცნებას არ ჰყავს კონკურენტი. მოტივაცია ხომ დაბალია მისვლის, ამომრჩეველთა რაოდენობას ხომ ელოდებოდა ყველა, რომ ცოტა ამომრჩეველი მივიდოდა, ნებისმიერ შემთხვევაში ჩვენი კანდიდატი იყო გამარჯვებული. ამომრჩევლების რაოდენობა ზოგან 20 ზოგგან 50 და მეტი პროცენტითაც კი გაიზარდა. ეს არის ყველაფერზე პასუხი იმ ფეიკზე, რომელიც აიარაიმ შემოგვთავაზა. ცუდია, რომ ამის თქმა მიწევს, მაგრამ ესაა ფაქტი. 2021 წლის არჩევნებზე რამდენი ხმაც მიიღო თითოეულ ოლქსა თუ უბანში ქართულმა ოცნებამ, დრამატულად გააუმჯობესა ყველა შემთხვევაში. უფრო მეტი მხარდამჭერი მივიდა საარჩევნო უბნებთან უკონკურენტო არჩევნებში.

განაცხადა მამუკა მდინარაძემ. IRI-ის ბოლო კვლევით, შაბათს რომ არჩევნები ტარდებოდეს რომელი პარტია რამდენ პროცენტს აიღებდა, პროცენტები ასე გადანაწილდა: ქართული ოცნება — 19%; ნაციონალური მოძრაობა — 14%; გახარიას პარტია — 3%; გირჩი — მეტი თავისუფლება — 3%; ლეიბორისტული პარტია — 2%; ლელო — 2%; გირჩი — 2%. 29 აპრილს შუალედური და რიგგარეშე არჩევნები 10 მუნიციპალიტეტში ჩატარდა.  ოპოზიციამ არჩევნებში ჩართვაზე უარი თქვა, ამიტომ მერების რიგგარეშე არჩევნებისათვის კანდიდატი მხოლოდ ქართულ ოცნებას ჰყავდა.

0 0

კომენტარები

კვირის ტოპ-5

  1. ზარქუა: "ლუსულ" ნომრიანი მანქანით ისეირნა ზარქუამო — ნათესავისაა
  2. ცესკოს თავმჯდომარე გიორგი კალანდარიშვილს შავი საღებავი შეასხეს
  3. ფილარმონიის მიმდებარედ საპოლიციო ძალები გამოჩნდნენ
  4. ილია II: ცესკომ დაადასტურა ქართული ოცნების გამარჯვება, გულითადად ვულოცავთ ამ წარმატებას
  5. ჯოზეფ ბორელი განმარტავს, რა იქნება საქართველოში "ტექნიკური მისიის" ამოცანა

გირჩევთ

ახლა კითხულობენ