ხვიჩა კვარაცხელიას და იტალიური საფეხბურთო კლუბი ნაპოლის ოფიციალური ფორმა უკვე VELI.store-ზეა!

ველის ციფრულ თაროებზე როგორც ზრდასრულების, ისე ბავშვების ფორმებს, კეპებს, ბურთებსა და პოლოებს აღმოაჩენ, რომლებსაც ყველასთვის ცნობილი ემპორიო არმანი ქმნის.

სპორტსმენების წარმატებისთვის ერთ-ერთი გადამწყვეტი გულშემატკივრობაა, ისინი ყოველთვის გრძნობენ გულანთებული ქომაგების მხარდაჭერას და ხშირად აღნიშნავენ, რომ ეს მათთვის ყველაზე დიდი მოტივაციაა.

ახალგაზრდა ქართველი ფეხბურთელის დინამო თბილისის აკადემიიდან ნაპოლის პირველი გუნდის ლიდერობამდე განვლილი გზა გულშემატკივრების უამრავ ემოციას ითვლის. გაკვირვება, სიხარული, იმედი და სიამაყე, რომელსაც ხვიჩა კვარაცხელიას დანახვისას მთელი საქართველო განიცდის.

ფოტო: VELI.STORE

"ველი შექმნის დღიდან არის ადგილი, სადაც მომხმარებელი ბევრ საინტერესო ბრენდს, ექსკლუზივსა და რაც მთავარია, მისთვის საინტერესო და საყვარელ ნივთებს აღმოაჩენს. აქ თითოეული სიახლე მომხმარებლებთან მუდმივი დიალოგით იქმნება, ხვიჩას ოფიციალური ფორმაც ველიზე ამ ინიციატივით გამოჩნდა, რათა მომხმარებლისთვის იმ ადამიანის ფორმა შეგვეთავაზებინა, რომელსაც ისინი მთელი გულით გულშემატკივრობენ",— ამბობს მარიამ ცანავა, ველის ბრენდის ხელმძღვანელი.

კვარამ ნაპოლიში 77-ნომრიანი მაისური აიღო, რომელზეც სეზონის დაწყებამდე იტალიაში წერდნენ — კვარამ ნაპოლიში ნომერ 77-ს წარუმატებლობის ჯადო უნდა ახსნასო, ამჟამად კვარაცხელიას ანგარიშზე ნეაპოლურ გუნდში არსებული 14 გოლი და 16 საგოლე პასი ამ მოლოდინს ნამდვილად ამართლებს.

შეიძინე დღესვე და უგულშემატკივრე კვარას ნაპოლის ოფიციალური ფორმით.