ალჟირის სასამართლომ ორი წელი მიუსაჯა კაცს, რომელიც ბავშვის აივნიდან გადმოგდებით იმუქრებოდა იმ შემთხვევაში, თუ ფეისბუკზე საკმარისი რაოდენობის ლაიქებს არ მოაგროვებდა. ინფორმაციას BBC აქვეყნებს.

მან ფეისბუკზე გაავრცელა ფოტო წარწერით "1 000 ლაიქი, თორემ გადავაგდებ". ფოტოს მიხედვით, საცხოვრებელი სახლის მეთხუთმეტე სართულის ფანჯარაში მას მცირეწლოვანი ბავშვი ცალი ხელით ეჭირა.

ფეისბუკის მომხმარებლებმა სამართალდამცავებს მიმართეს და მოსთხოვეს დაეპატიმრებინათ კაცი, რომელიც საფრთხეს უქმნიდა ბავშვს.

პოლიციამ ბრალდებული, რომელიც ბავშვის ნათესავი აღმოჩნდა, კვირას დააპატიმრა, თუმცა, ჟურნალისტებთან საუბრის დროს ბრალდებულმა აღნიშნა, რომ ინტერნეტში განთავსებული ფოტო სოციალური ქსელის მომხმარებლებმა შეცვალეს.

"სურათი აივანზეა გადაღებული, რომელსაც დამცავი ბარიერები აქვს, ბარიერები კი ფოტოდან ამოღებულია," – აღნიშნა ბრალდებულმა.

ბავშვის მამამ სასამართლო პროცესს მოუწოდა, რომ ეპატიებინათ მისი ნათესავისთვის, რომელიც მის შვილს მხოლოდ ეთამაშებოდა. სასამართლომ არ გაითვალისწინა მამის თხოვნა, რადგან მიიჩნია, რომ ბავშვის სიცოცხლე საფრთხეში იყო.