მას შემდეგ, რაც მაყურებელმა სპექტაკლში არმიის დისკრედიტაციის შემცველი ნიშნები ამოიცნო და ამაზე დაიჩივლა, პეტერბურგის ალექსანდრინსკის თეატრმა სირანო დე ბერჟერაკი გააუქმა.

რატომ არის მნიშვნელოვანი: არმიის დისკრედიტაციის ბრალდებით რუსეთში არამარტო ფიზიკურ პირებს დევნიან, ცდილობენ კულტურის და განათლების სფეროც კრემლის პოლიტიკას დაუქვემდებარონ.

  • გასულ კვირას სანქტ-პეტერბურგში გაუქმდა როკ ჯგუფის Naiv-ის კონცერტი (სოლისტი ალექსანდრე ივანოვი მხარს უჭერდა მაშა მოსკალევას ოჯახს), რეპერ ჯაჰ ხალიბს კონცერტი (გამოვიდა უკრაინის მხარდასაჭერად), ხოლო სპექტაკლი ჰამლეტი დანილა კოზლოვსკისთან ერთად გადაიდო. (განათავსა ომის საწინააღმდეგო პოსტი).

დეტალები: თეატრის ვებგვერდზე ნათქვამია, რომ სირანო დე ბერჟერაკის ჩვენება აპრილსა და მაისში გაუქმდა, სამაგიეროდ, 23 აპრილს უჩვენებენ სპექტაკლს — ყორანი, 24 მაისს — ქორწინება.

  • ტელეარხ იზვესიტიას ცნობით, აპრილის დასაწყისში სანქტ-პეტერბურგის პოლიციამ მიიღო საჩივარი ალექსანდრინსკის თეატრის მთავარი რეჟისორის, ნიკოლაი როშჩინის წინააღმდეგ, რომელმაც დადგა სირანო დე ბერჟერაკი.
  • მედიის ცნობით, მაყურებელმა, რომელიც პოლიციას მიმართა, სპექტაკლში დაინახა რუსეთის ფედერაციის შეიარაღებული ძალების "დისკრედიტაციის" ნიშნები.