ამის შესახებ ინფორმაციას ეხო კავკაზა ავრცელებს.

რატომ არის მნიშვნელოვანი: ეს პირველი შემთხვევა არ არის, როდესაც საქართველოში არ უშვებენ ან შემოსვლისას აბრკოლებენ კრემლისადმი კრიტიკულად განწყობილ რუს ჟურნალისტებსა და უფლებამცველებს.

  • მაგალითად, არ შემოუშვეს დოჟდის ჟურნალისტი და რუსი ფოტოჟურნალისტი, რომელიც Associated Press-სთან და The Insider-თან მუშაობს, ასევე, ბლოგერი, რომელსაც რუსეთში შინაპატიმრობა ჰქონდა მისჯილი.
  • არაერთხელ გავრცელდა ინფორმაცია რუსი ოპოზიციონერი პოლიტიკოსებისა და აქტივისტების არშემოშვების შესახებაც.
  • ამავდროულად, საქართველოს სტუმრობდნენ და უპრობლემოდ შემოვიდნენ რუსი პროპაგანდისტი წამყვანები და მოქალაქეები, რომლებიც მობილიზაციას გამოექცნენ.

დეტალები: ალექსანდრ არხანგელსკის თქმით, დაწვრილებით გამოჰკითხეს აფხაზეთზე, არკვევდნენ, ნამყოფი იყო თუ არა ოკუპირებულ რეგიონში და რა განცხადებები ჰქონდა გაკეთებული.

  • ამის შემდეგ პუბლიცისტს უთხრეს, რომ საქართველოს ტერიტორიაზე არ დაუშვებდნენ და იმავე თვითმფრინავით უკან გააბრუნებდნენ.
  • არხანგელსკი ამბობს, რომ გადაწყვეტილების მიზეზი არ განუმარტავთ.
  • მისივე ინფორმაციით, თბილისში ჩამოდიოდა დოკუმენტური ფილმის "შიმშილის" ჩვენებაზე, რომლის თანაავტორიც თავად არის.