The Directors' Fortnight კანის კინოფესტივალის დამოუკიდებელი სექციაა, რომელშიც სხვადასხვა ქვეყნის, ჟანრისა და ხანგრძლივობის გამორჩეული ნამუშევრებია წარმოდგენილი. წელს მათ შორის ელენე ნავერიანის ფილმი შაშვი შაშვი მაყვალიც მოხვდა.

ელენე ნავერიანის რიგით მესამე სრულმეტრაჟიანი ფილმი თამთა მელაშვილის ამავე სახელწოდების რომანის მიხედვითაა გადაღებული. კანის კინოფესტივალის ამ სექციისთვის სულ 30 ფილმი შეარჩიეს, რომელთა ნახვაც საფრანგეთში დამსწრე საზოგადოებას 7-18 ივნისს შეეძლებათ.

"როცა [რომანი] წავიკითხე, წარმოვიდგინე, როგორი შთამბეჭდავი, გამაძლიერებელი და წინააღმდეგობრივი იქნებოდა ამ ისტორიის ეკრანზე ხილვა", — განუცხადა ელენე ნავერიანმა ამერიკულ გამოცემა Variety-ს.

"პატარა ტრადიციულ ქართულ სოფელში მცხოვრები და საყოფაცხოვრებო ნივთების მაღაზიის მესაკუთრე ეთერო 48 წლის დაუქორწინებელი ქალია. მას ერთნაირად უყვარს საკუთარი თავისუფლება და ნამცხვრები. ის ჭორების გარეშე მშვიდი და კომფორტული სიბერისთვის ემზადება, თუმცა დისტრიბუტორ კაცთან ცეცხლოვანმა სასიყვარულო ურთიერთობამ შესაძლოა მისი გეგმები გაანადგუროს", — ვკითხულობთ ფილმის აღწერაში.

ამავე თემაზე:

თამთა მელაშვილის ლიტერატურული დღესასწაული