ცნობილი ამერიკელი კომიკოსი და ტელეწამყვანი ჯიმი კიმელი სხვადასხვა დღესასწაულებზე თავის მაყურებლებს მოუწოდებს, თავიანთი ოჯახის წევრებს გაეხუმრონ, მათი რეაქციები გადაიღონ და Youtube-ზე ატვირთონ.

ერთ-ერთი ასეთი დღესასწაულია მამის დღე და წლევანდელ დავალებაში კიმელმა მაყურებელს მოუწოდა, რომ მამებისთვის მოულოდნელად და რაც შეიძლება ხმამაღლა ეთქვათ, რომ უყვართ.

ჯიმის მაყურებელი მამების შეშინებას არ მოერიდა და რამდენიმემ მამას ძილიც დაუფრთხო, ხოლო ერთი-ორი ტუალეტშიც კი შეუვარდა საწყალ კაცებს. თუმცა ვიდეო ძალიან სასაცილო გამოვიდა და სავარაუდოდ, თავად მამებიც ბევრს იცინებენ.