iPhone+-ის ადმინისტრაცია საგამოძიებო სამსახურის განცხადებას მეორად ტელეფონების გაყიდვის შესახებ ბიზნესის წინააღმდეგ მიმართულ დისკრედიტაციას უწოდებს და აცხადებს, რომ ექსპერტიზის დასკვნაში მეორად ტელეფონებზე არაფერი ეწერა:

"საგამოძიებო სამსახურის ოფიციალურ განცხადებაში ნათქვამია რომ დაადგინეს ტელეფონის ნაკლოვანება რაც არ შეესაბამება სინამდვილეს და სამხარაულის ექსპერტიზის დასკვნაში მსგავსი არაფერი წერია".

მაღაზია აიპლუსის ადმინისტრაცია ფაქტს კონკურენტი კომპანიების მხრიდან მოწყობილი ქმედებად აფასებს:

"ეს ხდება კონკურენტი კომპანიის ახლობლების საშუალებით, თუმც მეორე მხრივ მივესალმებით იმ ფატს რომ ერთხელ და სამუდამოდ დასრულდება სპეკულაციები აღნიშნულ თემაზე და დადგინდება სიმართლე".

iPhone+ ექსპერტიზის პასუხების გამოქვეყნებას გეგმავს:

"საგამოძიებო სამსახურმა ყველა ფილიალიდან ამოიღო სხვადასხვა მოდელის ტელეფონების ნაწილი შემოწმების მიზნით, მიმდინარეობს ოქმების შედგენა, ექსპერტიზის პასუხს გამოვაქვეყნებთ მიღებისთანავე და ერთხელ და სამუდამოდ დასრულდება iPhone+ ზე ცრუ ინფორმაციის ტირაჟირება, სხვადასხვა კონკურენტი ორგანიზაციების მხრიდან".

დღეს iPhone+-სა და Apple City-ის მაღაზიებში საგამოძიებო სამსახური შევიდა. მათი თქმით, მაღაზიები მეორად ტელეფონებს ყიდდნენ. გამოძიება თაღლითობის მუხლით მიმდინარეობს.