BBC პარლამენტის წინ ნაციონალური მოძრაობის მიერ ორგანიზებულ 9 აპრილს გამართულ აქციას ეხმაურება.

რატომ არის მნიშვნელოვანი: გამოცემა წერს, ხელისუფლების მიმართ მზარდი წინააღმდეგობის ფონზე, ათასობით დემონტრანტმა საკანონმდელო ორგანოსთან აქცია გამართა.

  • ნათქვამია, რომ აქციის მონაწილეები ხელისუფლებას პოლიტიკური ოპონენტების დევნაში, დამოუკიდებელი მედიის ჩახშობასა და დემოკრატიის უკან დახევაში ადანაშაულებენ.
  • ასევე, საუბარია იმაზეც, რომ აქცია მთავარი ოპოზიციური პარტიის მიერ პატიმრობაში მყოფი ყოფილი პრეზიდენტის მიხეილ სააკაშვილის მხარდასაჭერად გაიმართა.

დეტალები: სტატიაში რუსული კანონის საწინააღმდეგო აქციებიც ახსენეს და აღნიშნეს, რომ გასულ თვეს მასობრივმა პროტესტმა აიძულა მთავრობა ეს კანონი ჩაეგდოთ.

  • "საპროტესტო აქციაზე მონაწილეების წინააღდეგ პოლიციამ წყლის ჭავლი და წიწაკის სპრეი გამოიყენა", — წერს გამოცემა.
  • გარდა ამისა, ნათქვამია, რომ 9 აპრილის აქციაზე შეკრებილებმა საქართველოსა და უკრაინის დროშები აღმართეს და ჰქონდათ ბანერი წარწერით "ევროპული მომავლისთვის".
  • სტატიაში საუბარია იმაზეც, რომ საქართველოში საზოგადოება ევროკავშირში გაწევრიანების მომხრეა.
  • "მთავრობა აცხადებს, რომ ბლოკში გაწევრიანების ერთგული რჩება, მაგრამ ოპონენტები ამბობენ, რომ მათი ქმედებები ზიანს აყენებს საქართველოს გაწევრიანების შანსებს", — ვკითხულობთ სტატიაში".