სამშაბათს ნიუ-იორკში, მანჰეტენის სასამართლოში ყოფილ პრეზიდენტს ბრალი 34 მუხლით წაუყენეს.

რატომ არის მნიშვნელოვანი: ტრამპი აშშ-ის ისტორიაში პირველი პრეზიდენტია, რომელიც სასამართლო პროცესზე წარსდგა.

  • ტრამპი ირწმუნება, რომ მისი სასამართლო პროცესი შეთქმულების ნაწილია, რისი მეშვეობითაც საპრეზიდენტო არჩევნებიდან მის ჩამოშორებას ცდილობენ.
  • "ერთადერთი დანაშაული, რაც ჩავიდინე, არის ის, რომ უშიშრად ვიცავდი ჩვენს ერს მათგან, ვისაც მისი განადგურება უნდა", — განუცხადა 76 წლის ტრამპმა მხარდამჭერებს.

დეტალები: თითოეული ბრალდება ითვალისწინებს მაქსიმუმ ოთხი წლით თავისუფლების აღკვეთას, თუმცა მოსამართლეს შეუძლია ტრამპს პირობითი პატიმრობა მიუსაჯოს, თუ მისი ბრალეულობა დამტკიცდება.

  • მისი დამნაშავედ ცნობის შანსები ჯერჯერობით გაურკვეველია, სასამართლო პროცესი კი სავარაუდოდ 2024 წლის იანვარში დაიწყება.
  • 2016 წლის არჩევნების წინ საზიანო ინფორმაციის დამალვის მიზნით საქმიანი ჩანაწერების გაყალბებაში სასამართლომ ტრამპი უდანაშაულოდ ცნო, რის შემდეგაც ექსპრეზიდენტმა განაცხადა, რომ "აშშ ჯოჯოხეთისკენ მიემართება".
  • ფორმალურად, პროცესების პარალელურად ტრამპს კვლავ შეეძლება საპრეზიდენტო არჩევნებში მონაწილეობა.
  • ტრამპი, ასევე სამი სხვა გამოძიების ეპიცენტრშია, რომლებიც დაკავშირებულია 2020 წლის არჩევნების შედეგების გაუქმების მცდელობებთან, კაპიტოლიუმზე თავდასხმასთან და საიდუმლო დოკუმენტების დამუშავებასთან.