კენჭისყრა პარლამენტში რამდენიმე წუთის წინ დასრულდა.

რატომ არის მნიშვნელოვანი: რუსული კანონის ჩაგდების შემდეგ გავრცელდა ინფორმაცია, რომ მმართველ გუნდს რამდენიმე დეპუტატი ტოვებდა, ნაწილს კი რუსული კანონის მხარდაჭერაზე უარის გამო უშვებდნენ.

  • 24 მარტს ქართული ოცნების 5 წევრს დეპუტატის მანდატი შეუწყდა. მათგან ერთ-ერთი, გიორგი ამილახვარი განათლებისა და მეცნიერების მინისტრის თანამდებობაზე დაინიშნა.
  • მანდატები დატოვეს ირაკლი კოვზანაძემ, გიორგი ხელაშვილმა, ნინო იობაშვილმა და ვლადიმერ ჩაჩიბაიამ — მათ რუსული კანონპროექტისთვის მხარი არ დაუჭერიათ.
  • თუმცა, ჩაჩიბაია და იობაშვილი პრემიერმინისტრის მრჩევლებად დაინიშნნენ, გიორგი ხელაშვილი კი პარლამენტის თავმჯდომარის მრჩევლად.

დეტალები: საფინანსო საბიუჯეტო კომიტეტის თავმჯდომარის პოსტზე პაატა კვიჟინაძის კანდიდატურას 85 მომხრე და არცერთი წინააღმდეგი ჰყავდა.

  • ამდენივე დეპუტატმა დაუჭირა მხარი განათლებისა და მეცნიერების კომიტეტის თავმჯდომარედ გივი მიქანაძის არჩევას.

გარდა ამისა, დღეს, 4 აპრილს, პარლამენტში 5 ახალი დეპუტატი შევიდა.

  • გიორგი ჩაკვეტაძე, თენგიზ შარმანაშვილი, მერაბ ქვარაია, სალომე ქურასბედიანი და ირაკლი კირცხალია პარლამენტიდან გასული ქართული ოცნების დეპუტატების ადგილმონაცვლეები არიან.