ინფორმაციას სამართალდამცავი უწყება ავრცელებს.

რატომ არის მნიშვნელოვანი: პროკურატურის ცნობით, ბრალდებული დაზარალებულებს სხვადასხვა სახელით ეცნობოდა, ეუბნებოდა, თითქოსდა, მისი ოჯახის წევრები სამშენებლო კომპანიის მფლობელები იყვნენ და საბაზრო ღირებულებაზე გაცილებით დაბალ ფასად უძრავ ქონებას ჰპირდებოდა.

  • უწყების განცხადებით, ასევე, დაკავებული ყალბად სარგებლობდა პროკურორის სტატუსით და ადამიანებს ეცნობოდა, როგორც გენერალურ პროკურორთან დაახლოებული პირი.

დეტალები: ბრალდებული თაღლითურად დაეუფლა, ჯამში, 295 650 ლარსა და 135 000 აშშ დოლარს.

  • დანაშაული 6-დან 9 წლამდე პატიმრობას ითვალისწინებს.
  • პროკურატურა საზოგადოებას მიმართავს, თუ მათი რომელიმე თანამშრომლის სახელით დანაშაულებრივ ქმედებებს თქვენ მიმართაც ჰქონდა ადგილი, მიმართეთ უწყების გენერალურ ინსპექციას.