საერთაშორისო ორგანიზაციამ ანგარიში გამოაქვეყნა, სადაც 156 ქვეყანაში, მათ შორის საქართველოში ადამიანის უფლებების მდგომარეობაა შეფასებული.

რატომ არის მნიშვნელოვანი: ორგანიზაციის შეფასებით, ქვეყანაში გაჭიანურებული პოლიტიკური კრიზისია, რის ფონზეც ევროკომისიამ ივლისში საქართველოსთვის კანდიდატის სტატუსის მინიჭება გადადო.

  • Amenesty Internationl ამბობს, რომ მზარდმა ფულადი გზავნილებმა რუსეთიდან და 100 000-ზე მეტი ადამიანის შემოდინებამ ხელი შეუწყო საქართველოში ეკონომიკურ ზრდას, მაგრამ ასევე გამოიწვია ცხოვრების ხარჯების ზრდა და ეკონომიკური უთანასწორობა, რასაც მოჰყვა ქვეყნიდან ემიგრაციის მაღალი დონე.

დეტალები: ორგანიზაციის შეფასებით, 2022 წელს საქართველოში ადამიანის უფლებები მეტად იყო შეზღუდული, ფიქსირდებოდა შერჩევითი სამართალი და ოპონენტების პოლიტიკურად მოტივირებული დევნა.

  • ანგარიშში ნათქვამია, რომ ახალი კანონებით მთავრობამ სათვალთვალო უფლებამოსილებები გაიზარდა.
  • ქალები და გოგონები კვლავ არიან დისკრიმინაციის მსხვერპლი და მომატებულია ძალადობის შემთხვევები.
  • ხოლო ხელისუფლება ეფექტურად არ იძიებს წამებისა და არასათანადო მოპყრობის ფაქტებს.

ანგარიშში საუბარია ნიკა გვარამიას პროცესზე, რომელიც უსამართლო სასამართლო პროცესების კონტექსტშია მოხსენიებული.

  • ხოლო ექსპრეზიდენტის შესახებ სასამართლო პროცესზე ნათქვამია, რომ მიუხედავად სამედიცინო ცნობებისა, რომლებიც მიუთითებდნენ სიკვდილის მნიშვნელოვნად გაზრდილ რისკზე თბილისის სასამართლომ სააკაშვილს სასჯელი არ გადაუვადა.