საქართველოს ყოფილი პრემიერ-მინისტრისა და მმართველი პარტიის დამფუძნებლის, ბიძინა ივანიშვილის ინსულტზე გავრცელებულ ინფორმაციას ქართუ ჯგუფში პასუხობენ და ამბობენ, რომ ივანიშვილი კარგად გრძნობს თავს. ინფორმაციას ქართუ ჯგუფის საზოგადოებასთან ურთიერთობის სამსახურის უფროსი, გიორგი უძილაური ფეისბუკით ავრცელებს.

"ბიძინა ივანიშვილი თავს მშვენივრად გრძნობს. ინსულტურ მდგომარეობაში თავად ნაციონალური მოძრაობაა, რასაც აშკარად ვეღარც მალავენ," - წერს უძილაური.

ბიძინა ივანიშვილის ჯანმრთელობის მდგომარეობის შესახებ ინფორმაცია რუსთავი 2-ის გენერალურმა დირექტორმა, ნიკა გვარამიამ ფეისბუკით რამდენიმე საათის წინ გაავრცელა.