საზოგადოებრივ მაუწყებელთან რადიო თავისუფლების პროექტების ინტერVIEW-სა და წითელი ზონის მხარდასაჭერი აქცია დაიწყო. აქციაზე დაახლოებით 50-მდე ადამიანია შეკრებილი.

აქციის მონაწილეებს ბანერები უჭირავთ წარწერებით: "ნამეტანი ხო არ მოგდით?" "საზმაუ ჩვენია", "არ დაგითმობთ მაუწყებელს", "თავისუფლება მედიას".

საზოგადოებრივ მაუწყებელში გადაცემების დახურვას აპროტესტებენ პოლიტიკური პარტიების თავისუფალი დემოკრატებისა და რესპუბლიკური პარტიის ლიდერები ნინო გოგუაძე და თამარ კორძაია.

ადევნეთ პირდაპირ ეთერს On.ge-ზე.

როგორც 13 ივნისს On.ge-სთვის გახდა ცნობილი, საზოგადოებრივმა მაუწყებელმა რადიო თავისუფლებას გადაცემის ივლისის შუა რიცხვებიდან შეჩერების შესახებ წერილი მიწერა.

26 აპრილს საზოგადოებრივი მაუწყებლის მიმდინარე და ახალი ამბების ბლოკის დირექტორი, გიორგი გვიმრაძე ამბობდა, რომ რადიო თავისუფლებასთან ამ ორი გადაცემის ეთერში განთავსების საკითხზე მოლაპარაკებებს გეგმავდნენ.

საზოგადოებრივი მაუწყებლის მენეჯმენტის გადაწყვეტილებით, 17 ივლისიდან მოამბის გარდა, ყველა გადაცემა დაიხურება. როგორც დოკუმენტში წერია, ეთერში 2017 წლის სექტემბრიდან დაბრუნდება პროგრამული პრიორიტეტების შესაბამისად, კონკურსის წესით შერჩეული ახალი გადაცემები.