ამის შესახებ ექსპრეზიდენტი სოციალურ ქსელში წერს.

რატომ არის მნიშვნელოვანი: გუშინ სახალხო დამცველმა პალიტრანიუსის ეთერში თქვა, რომ ყოველთვის მზადაა, მივიდეს და მიხეილ სააკაშვილს შეხვდეს.

  • "არსებობს კონსილიუმი სახალხო დამცველთან, რომელიც მიხეილ სააკაშვილის ჯანმრთელობის მდგომარეობას აფასებს", — თქვა ლევან იოსელიანმა.
  • მისივე განცხადებით, აპირებს, რომ კონსილიუმს შეხვდეს და მოისმინოს, კონკრეტულად რა გეგმა აქვთ და როგორ აპირებენ ამ პროცესის გაგრძელებას.

დეტალები: განაცხადა, რომ ყველა დაინტერესებულ პირს შეხვდება, მათ შორის, საკააშვილის ოჯახის წევრებს.

  • "თავისთავად, სახალხო დამცველი აგრძელებს მიხეილ სააკაშვილის ჯანმრთელობის მდგომარეობაზე ზედამხედველობას", — თქვა იოსელიანმა.
  • ყოფილი პრეზიდენტი სახალხო დამცველის ინიციატივას გამოეხმაურა და თქვა, რომ მზადაა სახალხო დამცველს შეხვდეს უახლოეს დღეებში, სასურველია, შაბათ-კვირას.
  • "მადლობა გამოთქმული სურვილისთვის", — წერს ექსპრეზიდენტი.