ნარუტოს ფანებისთვის შესანიშნავი სიახლე გვაქვს! ნარუტოს ოფიციალური ვებგვერდის მიხედვით, 2023 წლის სექტემბერში ანიმეს 20-წლიანი იუბილეს აღსანიშნავად ჩვენი საყვარელი გმირის შესახებ 4 ახალ ეპიზოდს ვიხილავთ.

ჯერჯერობით ახალი ეპიზოდების შინაარსი უცნობია. ფანები ვარაუდობენ, რომ რადგანაც ახალი პროექტი ნარუტოს პირველი ანიმეს იუბილეს ეძღვნება, 4 ახალ ეპიზოდში ნარუტო, სასკე და საკურა ჯერ კიდევ ბავშვები იქნებიან. სხვები ფიქრობენ, რომ შესაძლოა ახალი ეპიზოდები ძველი გამორჩეული ეპიზოდების ახლებური ვერსია აღმოჩნდეს.

რამდენიმე თვის წინ ანიმეს გამოსვლიდან 20 წლის გასვლა შემქმნელებმა 10-წუთიანი ვიდეოთი აღნიშნეს, რომელიც ნარუტოსა და ჩვენი სხვა საყვარელი გმირების განვლილ გზაგზე გვიყვება.

ისღა დაგვრჩენია, სექტემბერს დაველოდოთ, მანამდე კი საყვარელი ისტორია კიდევ ერთხელ გადავიმეოროთ.

ამავე თემაზე: