ამ წუთებში პარლამენტის შენობასთან საპროტესტო აქცია იმართება.

რატომ არის მნიშვნელოვანი: შეკრებილი მოქალაქეები რუსული კანონის მიღებას აპროტესტებენ.

  • აქციაზე გამოჩნდა სპეციალური დანიშნულების რაზმი. ისინი მშვიდობიანი მომიტინგეების წინააღმდეგ სპეციალურ საშუალებებს, მათ შორის, სავარაუდოდ წიწაკის სპრეის და ცრემლსადენ გაზს იყენებენ.
  • On.ge-ს შსს-ში დაუდასტურეს, რომ აქციაზე დააკავეს 6 დემონსტრანტი.

დეტალები: შსს კვლავ ირწმუნება, რომ პარლამენტის შენობის მიმდებარე ტერიტორიაზე აქციის მონაწილეთა მხრიდან პროტესტის გამოხატვის ფორმებმა უკიდურესად ძალადობრივი ხასიათი მიიღო.

  • "სამართალდამცველებთან ღია დაპირისპირება მოვლენების უკიდურეს ესკალაციას უწყობს ხელს. აქციის მიმდინარეობისას დაშავდნენ როგორც მონაწილეები, ასევე, სამართალდამცველები", — ნათქვამია შსს-ს მიერ გავრცელებულ განცხადებაში.
  • უწყება აქციის მონაწილეებს აფრთხილებს, რომ სამართალდარღვევის ნებისმიერი ფაქტს მყისიერი რეაგირება მოჰყვება.