პარლამენტის პლენარულ სხდომაზე მის კანდიდატურას კენჭი რამდენიმე წუთის წინ უყარეს.

რატომ არის მნიშვნელოვანი: სახალხო დამცველის არჩევა სამართლიანი და ინკლუზიური წესით ერთ-ერთია იმ 12 რეკომენდაციას შორის, რომელიც საქართველოს ევროკავშირის კანდიდატის სტატუსის მისანიჭებლად წარედგინა.

  • 2022 წლის 22 დეკემბერს პარლამენტმა სახალხო დამცველობის კანდიდატი ვერ აირჩია — სახალხო დამცველის თანამდებობაზე წარდგენილი 19 კანდიდატიდან ხმათა საჭირო რაოდენობა ვერცერთმა ვერ მოიპოვა.

დეტალები: იოსელიანის კანდიდატურას 96 მომხრე და 0 წინააღმდეგი ჰყავდა.

  • "გილოცავთ და გისურვებთ წარმატებულ სამსახურს ხალხის საკეთილდღეოდ", — უთხრა მას პარლამენტის თავმჯდომარემ.
  • მოქალაქეების ყოფილი დეპუტატი სახალხო დამცველის პოსტს 6 წლის ვადით დაიკავებს.
  • "სიმართლე გითხრათ, გამოვედი ტრიბუნასთან იმის სათქმელად, რომ სამ ძალიან მამაც ქალს გადავუხადო მადლობა, თამარ კორძაიას, ხათუნა სამნიძესა და თეონა აქუბარდიას, რომლებმაც ერთი კვირის მანძილზე უპრეცედენტო წნეხს გაუძლეს იმისთვის, რომ ჩემთვის არ მოეცათ ხმა.
  • კიდევ ერთხელ დავრწმუნდი, რომ ქალების იმედი უნდა გვქონდეს ამ ქვეყანაში. ქალების, რომლებიც ბევრად უფრო მამაცები არიან, ვიდრე ბევრი მამაკაცი, რომელიც აქ უბრალოდ იმიტომ არ ზის, რომ ვერ შემომხედავდა მე თვალებში. გავაკეთებ ყველაფერს, რომ გავამართლო ის პოზიცია, რომელსაც ჰქვია ძალიან საპატიო სახელი, სახალხო დამცველი, ვიყო ყველა მოქალაქის სახალხო დამცველი", — თქვა იოსელიანმა.
  • კენჭისყრის დაწყებამდე ხათუნა სამნიძე, თამარ კორძაია და თეონა აქუბარდია ამბობდნენ, რომ საჭიროა კომპრომისი სახალხო დამცველის ასარჩევად , იოსელიანი კი, მათივე შეფასებით, არის კონსენსუსური ფიგურა.