ახალი ამბები On.ge

ლევან სონღულაშვილი

4 Mar. 2023, 13:59

ეს ე.წ. რუსული კანონი დამღუპველია და არაა ამერიკული... ზოგადად, აშშ-ის გარკვეულ ნაწილში სიკვდილით დასჯაცაა და ლიდერია ერთ სულ მოსახლეზე ცეცხლსასროლი იარაღის რაოდენობით. ჰოლანდიაში რაც ლეგალურია, საქართველოში არალეგალურია, ადგილობრივი კონტექსტის გათვალისწინებით. 2 ვადის მანძილზე უამრავი დრო იყო ამ კანონის მისაღებად, და რატომ 2023 წელს? რატომ დღეს და ახლა?! და კირილურით დაწერილი სახელით ტროლ-ბოტები რატომ ამტკიცებენ, რომ ეს კანონი რუსული კი არა, ამერიკულია, როცა წინა პოსტში დასავლეთს აკრიტიკებენ?! წაიკითხეთ კანონი, რჩევა ჰკითხეთ იურისტებს, გაუგზავნეთ ტექსტი შესაფასებლად პროფესიონალებს.

ოჯახში მშობელს თუ არ ეთანხმები, არ ნიშნავს, რომ მისი მტერი ხარ, ქართული ოცნების ელექტორატმაც რომ ეჭვი შეიტანოს ამ კანონში, არ ნიშნავს, რომ ქართული ოცნების ოჯახს დაკარგავთ, ჯერ სახელმწიფო ინტერესი უნდა იდგეს, შემდგომ პარტიული!

მხატვარი ლევან სონღულაშვილი რუსულ კანონს კვლავ გამოეხმაურა. ქართული ოცნებიდან ფორმალურად წამოსული დეპუტატებით დაკომპლექტებულმა ანტიდასავლურმა მოძრაობამ, ხალხის ძალამ კანონპროექტი შეიმუშავა, რომლის მიზანიც მედიისა და არასამთავრობო ორგანიზაციების დისკრედიტაციაა. მათ სურთ, შეიქმნას "უცხოური გავლენის აგენტების რეესტრი", სადაც დარეგისტრირდება ყველა არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოეთიდან ფინანსდება. მსგავსი კანონი მოქმედებს რუსეთში — ქართველი დეპუტატების მსგავსად, ოკუპანტი ქვეყნის საკანონმდებლო ორგანო მის მიღებას მოქალაქეების ინტერესების, ქვეყნის უსაფრთხოებისა და სუვერენიტეტის "უცხოური გავლენებისგან" დაცვის მოტივით ხსნიდა, საბოლოოდ, კი კრემლმა მედიების, ორგანიზაციებისა და თავისუფალი სიტყვის წინააღმდეგ გამოიყენა.

0 0

კომენტარები

კვირის ტოპ-5

  1. სუს: ქრთამის აღების ფაქტზე ჯანდაცვის სამინისტროს 21 წარმომადგენელი დააკავეს
  2. რატომ "ვერ ხედავს" ტრამპი საქართველოს კავკასიაში? — ინტერვიუ ბიძინა ლებანიძესთან
  3. სუს: სიმონ წაქაძის გარდაცვალება უდიდესი ტრაგედია და დანაკლისია ჩვენთვის
  4. თამთა მიქელაძე: მოსკოვის მექანიზმის გამოყენება ნიშნავს, რომ საქართველოს ხელისუფლების კვალიფიკაცია მძიმე ავტორიტარული ქვეყნების რიგშია
  5. ირაკლი კუპრაძე: დარწმუნებული ვარ, ივანიშვილის ხელისუფლება ეცდება, ხელი შეუშალოს ეუთოს კომისიის მუშაობას და ეცდება, გაამარგინალიზოს და პროპაგანდა ჩართოს

გირჩევთ

ახლა კითხულობენ

გადახედვა

სახელმწიფო ვალდებულია, თავი შეიკავოს ნებისმიერი რეპრესიული ქმედებისგან იმ პირების მიმართ, რომლებიც თანამშრომლობენ მისიასთან — თამარ ონიანი მოსკოვის მექანიზმზე

ახალგაზრდა იურისტთა ასოციაციის ხელმძღვანელი თამარ ონიანი განმარტავს — როგორ მუშაობს "მოსკოვის მექანიზმი", რომელიც…