რუსეთი ცდილობს დაიბრუნოს კონტროლი ქალაქზე, რომელიც გასულ წელს უკრაინის კონტრშეტევის შედეგად დატოვა.

რატომ არის მნიშვნელოვანი: ტერიტორიის მუდმივი დაბომბვის გამო, ხარკოვის სამხედრო სარდლობამ ოჯახებს, განსაკუთრებით კი პირებს, ვისაც გადაადგილება შეზღუდული აქვთ, მოუწოდა ქალაქი დატოვონ.

  • კუპიანსკი მნიშვნელოვანი სარკინიგზო კვანძია, სადაც ომის დაწყებიდან სასტიკი ბრძოლები მიმდინარეობს.
  • ამ კვირის დასაწყისში ვოლოდიმირ ზელენსკიმ განაცხადა, რომ სიტუაცია ბახმუტში — კუპიანსკიდან 130 კილომეტრში სულ უფრო და უფრო გართულდა.
  • უკრაინის პრეზიდენტის განცხადებით, რუსეთს ბახმუტში დიდი ადამიანური დანაკარგი აქვთ, მაგრამ მიუხედავად ამისა, ყველა ფასად ცდილობენ ტერიტორიის დაკავებას, ხოლო უკრაინა აპირებს იქამდე იბრძოლოს, სანამ ამ ბრძოლას აზრი ექნება.

დეტალები: რუსეთმა კუპიანსკი უკრაინაში სრულმასშტაბიანი შეჭრის დასაწყისში აიღო, ქალაქი უკრაინამ უკან გასული წლის სექტემბერში დაიბრუნა.

  • კუპიანსკში ხარკოვის რეგიონულმა სამხედრო ადმინისტრაციამ განაცხადა, რომ ევაკუაციის ბრძანება განპირობებულია არასტაბილური უსაფრთხოებით, რუსეთი ქალაქს და მის შემოგარენს ბომბავს.
  • მისი თქმით, ევაკუირებულებს გაეწევათ დახმარება, მათ შორის გამოეყოფათ საცხოვრებელი, გადაეცემათ საკვები, ჰუმანიტარული და სამედიცინო დახმარება.