ამ დრომდე არ არის ცნობილი აფეთქების გამომწვევი მიზეზი.

რატომ არის მნიშვნელოვანი: ბოლო დროს გახშირდა რუსეთში დრონების აფეთქება, მედიაში გავრცელდა ინფორმაცია ამოუცნობი მფრინავი ობიექტის შესახებ, რამდენიმე საათით მუშაობა შეწყვიტა სანქტ-პეტერბურგის მთავარმა აეროპორტმა.

  • ოკუპანტი ქვეყნის მოსახლეობა ქვეყნის უსაფრთხოებას ეჭვქვეშ აყენებს და მთავრობას თავდაცვითი გეგმის წარდგენას სთხოვს.

დეტალები: 2 მარტის საღამოს აფეთქება მოსკოვის რეგიონის ქალაქ კოლომნაში მოხდა.

  • ქალაქი რუსეთის დედაქალაქიდან 100 კილომეტრში მდებარეობს.
  • მაცხოვრებლების თქმით, ძლიერი აფეთქების ხმა მთელ ქალაქში ისმოდა.

აქამდე, ქალაქ კოლომნას მახლობლად, უპილოტო თვითმფრინავი ჩამოვარდა.

  • რუსეთის თავდაცვის სამინისტრომ მომხდარში კიევი დაადანაშაულა.
  • უკრაინულ მხარეს პასუხისმგებლობა ამ დრომდე არცერთ შემთხვევაზე არ აუღია.
  • თუ კოლომნას ინციდენტში უკრაინის მონაწილეობა დადასტურდა, ეს იქნება რუსეთის დედაქალაქზე ყველაზე ახლო თავდასხმის მცდელობა მას შემდეგ, რაც რუსეთი უკრაინაში შეიჭრა.