ინფორმაციას გამოცემა მედუზა Flightradar24 სერვისის მონაცემებზე დაყრდნობით ავრცელებს.

რატომ არის მნიშვნელოვანი: სანქტ-პეტერბურგში დანერგილია კარპეტის გეგმა, რომელიც საჰაერო სივრცის უკანონო გადაკვეთისას და ამოუცნობი ობიექტის გამოჩენისას აქტიურდება.

  • გამოცემა Fontanka ირწმუნება, რომ რუსეთის ფედერაციის თავდაცვის სამინისტრომ პულკოვოს სამსახურს გადასცა ინფორმაცია, რომ სანქტ-პეტერბურგიდან 160-200 კილომეტრის დაშორებით ამოუცნობი ობიექტი ნახეს, რომელიც დიდ დრონს წააგავს.

დეტალები: სანქტ-პეტერბურგის ცა დაკეტილია ფრენებისთვის, პულკოვოს აეროპორტი ვერ ახერხებს თვითმფრინავების მიღებას და გაგზავნას.

  • საჰაერო სივრცე დაკეტილია პულკოვოს გარშემო 200 კილომეტრის რადიუსში.
  • სამოქალაქო ფრენები მოსაცდელ ზონაშია გადაყვანილი.
  • ადგილობრივ ხელისუფლებას ფრენების შეფერხებასთან დაკავშირებით განმარტება არ გაუვრცელებია.