სტუდენტები მოძრაობას ქმნიან, რომელიც ხალხის ძალის ინიციირებული კანონპროექტის წინააღმდეგ იბრძოლებს.

რატომ არის მნიშვნელოვანი: მოქმედი და ყოფილი სტუდენტები, რომლებიც რუსული კანონის წინააღმდეგ გაერთიანდნენ, კანონპროექტის მხარდამჭერ სამხარაძეს ბოიკოტს უცხადებენ.

  • თბილისის სახელმწიფო უნივერსიტეტის საერთაშორისო ურთიერთობების მიმართულების სტუდენტები უარს ამბობენ ნიკოლოზ სამხარაძის სალექციო კურსის გავლაზე.

კონტექსტი: სტუდენტებმა გუშინ ყოფილ ლექტორს, საგარეო ურთიერთობა კომიტეტის თავმჯდომარეს წერილი მისწერეს და მოუწოდეს, არ დაუჭიროს მხარი რუსულ კანონს.

  • ისინი მიიჩნევენ, რომ "უცხოური გავლენის აგენტებზე" კანონპროექტი საქართველოს კონსტიტუციას, ეროვნულ ინტერესებს ეწინააღმდეგება და ქვეყნის ევროპულ და ევროატლანტიკურ მისწრაფებებს ძირს უთხრის.
  • "ის პირდაპირ ეწინააღმდეგება დემოკრატიისა და თავისუფლების იდეალებს, სწორედ იმ ღირებულებებს, რომლებზეც არაერთხელ გვისაუბრია თქვენს ლექციებზე. ამ ყოველივეს გათვალისწინებით, იმედს ვიტოვებთ, რომ საჯაროდ გამოთქვამთ კანონპროექტისადმი უარყოფით პოზიციას და შეძლებთ თქვენი კოლეგების დარწმუნებას კანონპროექტის მიზანშეუწონლობაში", — ნათქვამი იყო წერილში.
  • საგარეო ურთიერთობა კომიტეტის თავმჯდომარის ყოფილი სტუდენტები მიიჩნევენ, რომ "უცხოური გავლენის აგენტებზე" კანონპროექტი ეწინააღმდეგება საქართველოს კონსტიტუციას, ეროვნულ ინტერესებს და ძირს უთხრის ქვეყნის ევროპულ და ევროატლანტიკურ მისწრაფებებს.

საპასუხოდ, სამხარაძე აპირებს, სტუდენტებს დაუმტკიცოს, რომ კანონი დემოკრატიასთან წინააღმდეგობაში არ მოდის.

  • სამხარაძის თქმით, სტუდენტებს შეხვედრა შესთავაზა და ამბობს, რომ მათთან ისაუბრებს ყველაფერზე, რაც აინტერესებთ.

  • თანაგუნდელების მსგავსად, ისიც გამჭვირვალობის საჭიროებაზე აპელირებს და ამტკიცებს, რომ კანონი "ვერანაირად ვერ იქნება წინააღმდეგობაში დემოკრატიასთან".

  • "თუ მათ კონკრეტულ ტერმინებზე აქვთ აქვთ წუხილი, კიდევ ერთხელ ვამბობ, ამ ტერმინებს და წუხილებს მეორე მოსმენის დროს დეტალურად განვიხილავთ მათთან ერთად, სხვათა შორის, მათ ჩართულობითაც", — ამბობს სამხარაძე.