ახვლედიანი ქართულ ოცნებას: დაასრულეთ თამაში საქართველოს მომავალთან

2 Mar. 2023, 17:58

მთავარი არ დაგვავიწყდეს, ახლა რას განვიხილავთ. რა კანონპროექტი შემოვიდა პარლამენტში. ეს არის საქართველოს კონსტიტუციის, კონსტიტუციური წყობის წინააღმდეგ მიმართული ნაბიჯი. ყველამ უნდა შევიგნოთ, რომ ამ გადაწყვეტილების მიღება ნიშნავს საქართველოს სტრატეგიულ არჩევანზე უარის თქმას. ნიშნავს არა მხოლოდ დასავლეთისკენ გზის ჩარაზვას, არამედ ნიშნავს ჩვენი საზოგადოების დიდი ნაწილისთვის თქმას, რომ ჩვენ აღარ გვექნება ნორმალური მომავალი. ვინც მზად ხართ, რომ ამას მხარი დაუჭიროთ, დაუჭირეთ. მაგრამ იცოდეთ, რომ ამით დასრულდება ეს პარლამენტი, დასრულდება ეს თავხედობა. ამას არავის არ გაგატანინებთ.

მე თქვენ ყველას კარგად გიცნობთ, ყველაფერი კარგად ვიცი, ამიტომაც იცოდეთ, რომ ეს აქ ვერ გავა. ვერ გაიტანა ვერავინ საქართველოში 30 წლის განმავლობაში, რომ წინ დასდგომოდა დასავლურ კურსს, თქვენ ამას არ გაგატანინებთ. გამორიცხულია. ამიტომაც გაიწვიეთ უკან. დაასრულეთ თამაში საქართველოს მომავალთან. და თუ თქვენ არ დაასრულებთ ამ თამაშს, ქართველი ხალხი დაასრულებს ამ მმართველობას. იმიტომ რომ ეს არის სირცხვილი, სირცხვილი და მავნებლობა საქართველოს სახელმწიფო ინტერესების წინააღმდეგ.

ბოლო ამბები: