ზენდეიას, რომელიც Euphoria-ში რუ ბენეტის როლს ასრულებს, ეკრანებზე მალე ისევ ვიხილავთ. ახლახან გავრცელებული ინფორმაციით, მსახიობს Euphoria-ს მე-3 სეზონის თითოეულ სერიაში მონაწილეობისთვის მილიონ დოლარს გადაუხდიან. ეს გასაკვირი სულაც არ არის, რადგან მეორე სეზონიდან ზენდეია Euphoria-ს აღმასრულებელი პროდიუსერი გახდა და სერიალში შესრულებული როლისთვის მნიშვნელოვანი ჯილდოები მოიპოვა.

2023 წელს ზენდეიამ Euphoria-ში შესრულებული როლისთვის პირველი ოქროს გლობუსი მოიპოვა. 26 წლის ზენდეიამ კატეგორიაში საუკეთესო მსახიობი ქალი დრამატულ სერიალში სხვა მსახიობებთან ერთად House of the Dragon-ის ემა დარსი და Ozark-ის ლორა ლინი დაამარცხა და ჯილდო მოიპოვა.

ფოტო: HBO

შეგახსენებთ, რომ ზენდეია ყველაზე ახალგაზრდა მსახიობია, რომელმაც ემი ორჯერ მოიპოვა. ემის 2022 წლის დაჯილდოებაზე ამერიკელმა მსახიობმა ნომინაციაში საუკეთესო ქალი მსახიობი დრამატულ სერიალში გაიმარჯვა. ზენდეიამ ემი ორივეჯერ — 2020 და 2022 წლებში — HBO-ს Euphoria-ში შესრულებული როლისთვის მიიღო. ამასთანავე, ზენდეია პირველი შავკანიანი ქალიცაა, რომელმაც მთავარი როლის შესრულებისთვის ემი ორჯერ მოიპოვა.

Euphoria-ს მე-3 სეზონის პრემიერის თარიღი ჯერჯერობით უცნობია.