The Last Of Us-ის მაყურებელმა ერთ-ერთი ყველაზე ემოციური და საინტერესო მე-6 სერია უკვე იხილა. სოციალური ქსელების მომხმარებლები მე-6 სერიას დღემდე განიხილავენ და აქებენ, თუმცა ზოგიერთმა მათგანმა შეცდომაც დააფიქსირა.

The Last Of Us-ის მე-6 სერიის ერთ-ერთ სცენაში ვხედავთ, რომ ელი და ჯოელი დათოვლილ ხიდს უახლოვდებიან. მომდევნო კადრში კი ხიდს უფრო შორიდან გვაჩვენებენ, რომელშიც მარცხნივ ადამიანთა ჯგუფს ვხედავთ. ისინი არც ინფიცირებულები არიან და არც გადარჩენილი ადგილობრივები, არამედ კადრში სერიალის გადამღები ჯგუფია.

მე-6 სერიიდან შეცდომის ამსახველი კადრი პირველად ტვიტერის მომხმარებელმა, @stjguitarist-მა გამოაქვეყნა. "ბრწყინვალე ეპიზოდია, თუმცა რაღაცის გამოსწორება და თავიდან ატვირთვაა საჭირო. ამ კადრში გადამღებ ჯგუფს ვხედავთ", — ვკითხულობთ ფოტოს აღწერაში.

ალბათ, გემახსოვრებათ, რომ Game of Thrones-ის ფინალური სეზონის მეოთხე სერიაში მაყურებლებმა ეპიზოდურ როლში სტარბაქსის ჭიქა იხილეს. HBO-მ შეცდომა მალევე გამოასწორა, თუმცა The Last Of Us-ის შემთხვევაში, მაყურებელს მე-6 სერიაში გადამღების ჯგუფის ნახვა ისევ შეუძლია.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…