დღეს, 18 თებერვლას უკრაინის დასავლეთ, ცენტრალურ და სამხრეთ რეგიონებში საჰაერო თავდასხმის სიგნალიზაცია გააქტიურდა.

რატომ არის მნიშვნელოვანი: პრეზიდენტის ოფისისი ინფორმაციით, მტერი თავდასხმისთვის ტაქტიკურ თვითმფრინავებსა და რაკეტებს იყენებს.

  • განგაშის გამოცხადებიდან მალევე ნიკოლაევის ოლქის სამხედრო ადმინისტრაციის ხელმძღვანელმა, ვიტალი კიმმა განაცხადა, რომ ოკუპანტებმა ჩრდილო-დასავლეთით "უცნობი სამიზნეები" დატოვეს.
  • 08:48 საათზე კი აღნიშნა, რომ "შავი ზღვიდან რაკეტების გაშვება" დადასტურდა.
  • ხარკოვის სამხედრო გარნიზონის ხელმძღვანელის, სერგეი მელნიკის თქმით, ფეოდოსიის რეგიონიდან 6 კალიბრის რაკეტა გაუშვეს, დასძინა, რომ ისინი დასავლეთის მიმართულებით მოძრაობენ.

დეტალები: გარდა ამისა, სოციალურ ქსელში, ასევე, ვრცელდებოდა ინფორმაცია კიევის ოლქში საჰაერო განგაშის ხმების შესახებ, თუმცა ეს ოფიციალურად არ დადასტურებულა.

  • სხვადასხვა ოლქის ადმინისტრაციული ხელმძღვანელები მოსახლეობას თავშესაფარში დარჩენისკენ მოუწოდებდნენ.
  • 09:05 საათის მონაცემებით, აფეთქებები იყო ხმელნიცკშიც.
  • 09:09 საათზე ვიტალი კიმმა განაცხადა, რომ რეგიონში საჰაერო თავდავცა წარმატებით მუშაობს.
  • 09:11 საათზე კიევის, ოდესის, დნეპროპეტროვსკის და სხვა ოლქებში ენერგეტიკული ინფრასტრუქტურის სერიოზული დაზიანების თავიდან ასაცილებლად ელექტროენერგიის მიწოდება საგანგებოდ შეწყდა.