უკრაინაში ლიკვიდირებული ოკუპანტების ოჯახების დასაჩუქრების შესახებ ინფორმაციას გამოცემა Unian ავრცელებს.

რატომ არის მნიშვნელოვანი: უკრაინაში სრულმასშტაბიანი შეჭრის დღიდან, რუსებმა უკვე დაკარგეს 141 260 ჯარისკაცი.

  • უკრაინის მონაცემებით, თებერვალში რუსი ჯარისკაცები უფრო მეტი რაოდენობით იღუპებიან, ვიდრე ნებისმიერ სხვა დროს, შეჭრის პირველი კვირის შემდეგ.
  • დიდი ბრიტანეთის დაზვერვის ცნობით, ციფრების გადამოწმება შეუძლებელია, მაგრამ რუსების სიკვდილიანობის ზრდის ტენდენციები სავარაუდოდ ზუსტია.
  • კრემლი ცდილობს საზოგადოებაში საომარი და პატრიოტული განწყობა შეინარჩუნოს, ამიტომ ომში დაღუპული ოკუპანტების ოჯახებს ხშირად ანებივრებს არაერთგვაროვანი საჩუქრებით.

დეტალები: ადგილობრივმა ოფიციალურმა პირებმა ლეპი დობროს კამპანიის ფარგლებში დაღუპული მობილიზებულების ოჯახებს პელმენები დაურიგეს.

  • გავრცელებული ინფორმაციით, ასეთი საჩუქარი მრავალშვილიანმა დედამ, ვალენტინა ონდარმაც მიიღო, რომლის უმცროსი ვაჟი უკრაინის ომში "გმირულად დაიღუპა".
  • ვალენტინას მეორე შვილიც უკრაინის ომშია.
  • აქამდე, დაღუპული ჯარისკაცების სანაცვლოდ ოჯახებში სხვადასხვა პროდუქტი, მათ შორის, კარტოფილი მიჰქონდათ.