ინფორმაციას ოფიციალურ პირებზე დაყრდნობით New York Times ავრცელებს.

რატომ არის მნიშვნელოვანი: ერთი კვირის წინ აშშ-ს გამანადგურებელმა ატლანტის ოკეანის თავზე ჩინური სათვალთვალო ბუშტი ჩამოაგდო.

  • ფაქტმა აშშ-ში აღშფოთება გამოიწვია და გაჩნდა ვარაუდი, რომ ალასკაზე ჩამოგდებული ობიექტიც შესაძლოა ჩინეთის სათვალთვალო პროგრამის ნაწილი იყოს.

დეტალები: თეთრი სახლის სპიკერის განცხადებით, პენტაგონმა ალასკაზე უცნობი ობიექტი ჩამოაგდო პრეზიდენტ ბაიდენის ბრძანებით.

  • კირბიმ თქვა, რომ ობიექტი 40000 ფუტის სიმაღლეზე მოძრაობდა და დაახლოებით პატარა მანქანის ზომის იყო.
  • აშშ-ს ოფიციალურმა პირებმა განაცხადეს, რომ არ არის დადასტურებული, იყო თუ არა ობიექტი ბუშტი, მაგრამ ის მოგზაურობდა სიმაღლეზე, რაც მას პოტენციურ საფრთხეს უქმნიდა სამოქალაქო თვითმფრინავებს.
  • ვერ დასტურდება, იყო თუ არა რაიმე სათვალთვალო მოწყობილობა ჩამოგდებულ ობიექტზე.