ეს განცხადება პოლონეთის პრემიერმინისტრმა დღეს, ბრიუსელში გამართულ პრესკონფერენციაზე გააკეთა.

რატომ არის მნიშვნელოვანი: 6 თებერვალს თბილისის საქალაქო სასამართლომ მიხეილ სააკაშვილს პატიმრობის გადავადებაზე უარი უთხრა.

  • ყოფილი პრეზიდენტის ოჯახის წევრები, ექიმები და ადვოკატები ექსპრეზიდენტის ჯანმრთელობის მდგომარეობის მკვეთრ გაუარესებაზე საუბრობენ და საზღვარგარეთ მის სამკურნალოდ გადაყვანას ითხოვენ.
  • სააკაშვილის ჯანმრთელობაზე ცენტრ ემპათიის დასკვნაში ნათქვამია, რომ "მოსალოდნელია კომა და სიკვდილი".

დეტალები: მატეუშ მორავიეცკის თქმით, ეს გადაწყვეტილება პატიმრობაში მყოფი სააკაშვილის და მისი ჯანმრთელობის მდგომარეობის შესახებ არსებულ დავას მოაგვარებს.

  • "პოლონეთმა საქართველოს მთავრობას წინადადებით მიმართა, რომ მიხეილ სააკაშვილმა პოლონეთში მკურნალობა შეძლოს", — განაცხადა მორავიეცკიმ და დასძინა, რომ ეს გადაწყვეტილება ევროპის სხვა ლიდერებთან მიმოიხილა.