ამის შესახებ საერთაშორისო მედიები წერენ. ჩამოგდების კადრები ვრცელდება სოციალურ ქსელშიც.

რა მოხდა: ჩინური, სავარაუდოდ, სადაზვერვო საჰაერო ბურთი კვირის დასაწყისში მონტანას საჰაერო სივრცეში შენიშნეს.

  • ბურთი მას შემდეგ ჩამოაგდეს, რაც ხმელეთს გასცდა და ატლანტიკის ოკეანის თავზე იყო.
  • როგორც აშშ-ის ოფიციალური პირები აცხადებენ, ბურთის ხმელეთის თავზე ჩამოგდება მოქალაქეებს საფრთხეს შეუქმნიდა.

რატომ არის მნიშვნელოვანი: როგორც საერთაშორისო მედიები წერენ, აშშ-ის საჰაერო თავზე, ჩინური ბუშტის გამოჩენამ, ორ ქვეყანას შორის ურთიერთობა დაძაბა.

  • აშშ-ის სახელმწიფო მდივანმა, ენტონი ბლინკენმა ჩინეთში დაგეგმილი ვიზიტი განუსაზღვრელი ვადით გააუქმა.
  • ბლინკენმა თქვა, რომ ინციდენტმა შექმნა პირობები, რომლებიც ძირს უთხრის ჩინეთში ვიზიტის მიზანს.

რა ვიცით საჰაერო ბურთზე: პენტაგონის განაცხადებით, ბურთი სამხედრო და პოლიტიკური თვალსაზრისით საფრთხეს არ წარმოადგენდა.

  • ჩინეთის ამტკიცებს, რომ ბურთი სამოქალაქო დანიშნულებისაა და აშშ-ის თავზე შემთხვევით მოხვდა.

აშშ-ის პრეზიდენტის, ჯო ბაიდენის განცხადებით, მან საჰაერო სივრცეში ჩინური საჰაერო ბუშტის გამოჩენის შემდეგ პენტაგონს უბრძანა ჩამოეგდოთ ის, რაც შეიძლება მალე.

  • კითხვაზე, იყო თუ არა ეს მისი ეროვნული უსაფრთხოების გუნდის რეკომენდაცია, ბაიდენმა თქვა: "მე ვუთხარი, რომ ჩამოეგდოთ იგი. მათ მითხრეს: "მოდით დაველოდოთ ყველაზე უსაფრთხო ადგილს ამის გასაკეთებლად".