თუ გურულებთან ერთხელ მაინც გქონია შეხება, სტუმართმოყვარეობასთან ერთად მათი ენაკვიმატობა და იუმორიც აუცილებლად გაგახსენდება. გურულების ხასიათი, რა თქმა უნდა, ყოველდღიურ ცხოვრებაშიც აისახება და გურული ენამოსწრებული ფრაზები ხანდახან იმაზე უფრო სახალისოა, ვიდრე ერთი შეხედვით ჩანს.

თუ ნებით ან შემთხვევით გურიაში მოხვდი, სტატიაში 10 ფრაზას გთავაზობთ, რომელსაც ამ მხარეში ყველაზე ხშირად მოისმენ და სათანადო პასუხის მოფიქრებაშიც წინასწარ მოგამზადებს.

1. "მეიცა ელანძე"

ფოტო: Giphy


გურული ასე აგებინებს გურულს, რომ ცოტა ხნით (საუკეთესო შემთხვევაში 1 წუთით) დაუცადოს. თუ არ დაუჯერებს და მარცხიც ელანძეა!

2. " — სა მიხვალ?

— სა წავალ?"

ფოტო: Tenor

კითხვაზე კითხვით პასუხს გურიაში ხშირად მოისმენ და ეს გურულებისთვის სრულიად ბუნებრივი დიალოგია. "— რაფერ ხარ? — რაფერ ვიქნები?", "— ვინ იყო? — "ვინ იქნებოდა?" და ა.შ.

3. "რაცხა იქნება"

ფოტო: Tenor

ეს "ყველაფერი კარგად იქნებას" გურული ვერსიაა.

4. "როის ჩამოი? როის მიხვალ?"

ფოტო: Giphy


არ იფიქრო, რომ გურულს შენი სტუმრობა არ გაუხარდა, ეს უბრალოდ მისალმების ერთგვარი ჟესტია. თან წინდახედული გურული იმასაც იგებს, რამდენი დრო აქვს შენს მოსანახულებლად.

5. "აფერ თავში არაა"

ფოტო: HBO


ვისზეც ამას ამბობენ, მან ბევრი რამ არ იცის ან არაფერი გამოსდის. იმედია, გურულისგან ამ ფრაზას არ დაიმსახურებ, თორემ მერე იმასაც იტყვიან, "ნენაა, აი თლათ გააბდლებულაო".

6. "ცაი ფეხათ ჩამევიდა"

ფოტო: Giphy


ცა არსად წასულა, უბრალოდ გურულები ასე ამბობენ, როცა კოკისპირული და თავსხმა წვიმაა.

7. "ა, კიდო"

ფოტო: Tenor


"ა, კიდო" გურულ დიალექტზე იგივეა, რაც "აი, კიდევ/ისევ". სიტუაციის გამძაფრებისთვის კიდევ ერთი "ა" შეიძლება დაამატონ.

8. "აქანე გაშობილა კიარაა"

ფოტო: Giphy


ამ ფრაზით გურული ცდილობს, მიგახვედროს, რომ ყველაფერს შენს ნებაზე ვერ გააკეთებ და გარკვეულ წესებს უნდა დაემორჩილო.

9. "ბჟუტურობ რაცხას"

ფოტო: Tenor


ოო, მტრისას, გურული თუ ამას გეუბნება! ესე იგი, სისულელეებს ლაპარაკობ და სჯობს, გაჩუმდე.

10. "თუ გამუა, გამუა და თუ არა, და აა!"

ფოტო: Tenor

მართლაც, წინასწარ რაზე უნდა იდარდო?