ამის შესახებ ბორის პისტორიუსმა ჟურნალისტებთან რამშტეინის სამხედრო ბაზაზე გამართულ შეხვედრაზე ისაუბრა.

რატომ არის მნიშვნელოვანი: უკრაინა ითხოვს თანამედროვე დასავლურ იარაღს, განსაკუთრებით მძიმე საბრძოლო ტანკებს რუსეთთან წინააღმდეგ ომში.

  • ბერლინს აქვს ვეტოს უფლება მისი ლეოპარდის ტანკების ექსპორტის ნებისმიერ გადაწყვეტილებაზე.
  • თავდაცვის ექსპერტები მიიჩნევენ, რომ ლეოპარდის ტანკები ყველაზე შესაფერისია უკრაინისთვის, იგი ითვლება დასავლეთის ერთ-ერთ საუკეთესო ტანკად, იწონის 60 ტონაზე მეტს (60000 კილოგრამს), აქვს 120 მმ გლუვლულიანი იარაღი და შეუძლია სამიზნეების დარტყმა 5 კილომეტრამდე მანძილზე.
  • 21 იანვარს, ლატვიის საგარეო საქმეთა მინისტრმა ედგარს რინკევიჩმა, ლიტვის და ესტონეთის საგარეო საქმეთა მინისტრების სახელით, მოუწოდა გერმანიას დაუყოვნებლივ მიაწოდოს უკრაინას ტანკები.

დეტალები: 20 იანვარს, რამშტეინის შეხვედრაზე ბერლინს კვლავ არ მიუღია გადაწყვეტილება უკრაინისთვის Leopard 2-ის მიწოდებაზე.

  • გერმანიის თავდაცვის მინისტრმა გაზეთ Bild am Sonntag-ს განუცხადა, რომ უკრაინაში ვიზიტს მომდევნო ოთხი კვირის განმავლობაში გეგმავს.
  • ლეოპარდის ტანკებთან დაკავშირებით კი პისტორიუსმა თქვა: "ჩვენ ძალიან მჭიდრო დიალოგში ვართ ამ საკითხზე საერთაშორისო პარტნიორებთან, უპირველეს ყოვლისა, აშშ-სთან".
  • "მე დარწმუნებული ვარ, რომ გადაწყვეტილება მიღებული იქნება მოკლევადიან პერსპექტივაში, მაგრამ არ ვიცი, კონკრეტულად როგორი იქნება ეს გადაწყვეტილება", — განუცხადა პისტორიუსმა ჟურნალისტებს.