ამის შესახებ კლინიკის წარმომადგენელმა ჟურნალისტებს განუცხადა.

რა მოხდა: დღეს, გამთენიისას საგარეჯოში სროლას 5 ადამიანი ემსხვერპლა, 5 კი დაიჭრა.

  • ინფორმაცია სავარაუდო შეიარაღებულ თავდასხმაზე თავდაპირველად ერთ-ერთმა ფეისბუქმომხმარებელმა სოციალურ ქსელში დაახლოებით, 01:30 საათზე გაავრცელა.
  • საცხოვრებელი კორპუსის ერთ-ერთი ბინის აივნიდან თავდამსხმელმა რამდენჯერმე გაისროლა, რის შედეგადაც დაიღუპა ეზოში მყოფი 4 ადამიანი და დაიჭრა 5 — მან, სავარაუდოდ, თავი მოიკლა.
  • კაცმა ადგილზე მისულ პოლიციელებსაც ცეცხლი გაუხსნა, დაიჭრა შსს-ის ერთი თანამშრომელი, რომელიც საავადმყოფოში გადაყვანის დროს დაიღუპა.

დეტალები: ექიმის განცხადებით, დაჭრილთა შორის სამი ადამიანი სტაბილურ მდგომარეობაშია, მათ შეუძლიათ კომუნიკაცია და ადეკვატური აღქმა.

  • "ჩვენს კლინიკაში ოთხ პაციენტს ჩაუტარდა გადაუდებელი სასწრაფო ოპერაცია. სამი პაციენტის მდგომარეობა სტაბილურია, რჩება ერთი პაციენტის მდგომარეობა კრიტიკულად მძიმე, რომელიც განაგრძობს მკურნალობას", — განაცხადა ექიმმა.