ამის შესახებ 2022 წლის ევროკავშირის საერთო უსაფრთხოებისა და თავდაცვის პოლიტიკის განხორციელების შესახებ ყოველწლიური ანგარიშშია საუბარი.

რატომ არის მნიშვნელოვანი: ანგარიშში ევროპარლამენტი ხაზს უსვამს, რომ უკრაინა საკუთარ ტერიტორიულ მთლიანობას იცავს და ომის მოსაგებად სასწრაფო სამხედრო დახმარებას — განსაკუთრებით, მძიმე იარაღს საჭიროებს.

  • საუბარია, მათ შორის, მძიმე სამხედრო მანქანაზე, გერმანული წარმოების Leopard 2-ზე.
  • ასევე, მოუწოდებენ ევროკავშირის ყველა ქვეყანას, გაზარდონ უკრაინის სამხედრო, პოლიტიკური და ჰუმანიტარული მხარდაჭერა.

დეტალები: გასულ კვირას პოლონეთმა და ფინეთმა გამოთქვეს მზადყოფნა უკრაინაში Leopard 2-ის ტანკების გადაცემაზე, თუმცა ამისთვის გერმანიის, როგორც ამ სამხედრო ტექნიკის მწარმოებლის ნებართვაა საჭირო.

  • დიდი ხნის განმავლობაში გერმანია უკრაინაში დასავლური ტანკების გადაცემის მთავარი მოწინააღმდეგე იყო.
  • უკრაინა, ასევე, იმედოვნებს, რომ იმდენ Leopard-ს მიიღებს, რამდენიც სრულფასოვანი სატანკო ბრიგადის შესაქმნელად იქნება საჭირო.